Við veitum ráðgjöf um innleiðingu á varanlegri förgun á CO₂, frá upphafi til enda.

Carbfix þróaðist innan orkugeirans en 15.000 tonnum af CO₂ er fargað á ári af útblæstri Hellisheiðarvirkjunnar.

Hægt er að laga Carbfix aðferðina að ólíkum iðnaðarferlum, allt frá framleiðslu málma til sements- og efnaframleiðslu.

Niðurdæling á 8.000 tonnum af CO₂ á ári frá úrgangi í tengslum við starfsemi Sorpu í Álfsnesi.

Þróun stórskala förgunarmiðstöðva sem taka á móti CO₂ innfluttu með skipi og breyta í stein.

Koldíoxíð er fangað beint úr andrúmsloftinu og fargað varanlega með því að breyta í stein neðanjarðar.

Rannsóknarverkefni sem er fjármagnað af ESB. Því er ætlað að þróa föngun á ótæru koldíoxíðstreymi og förgun þess með niðurdælingu. Verkefnið samtvinnar föngun úr andrúmslofti (e. direct air capture technology eða DAC) og förgun með steindabindingu. Einnig er lagður grundvöllur að niðurdælingu CO₂ uppleystu í sjó og lækka þannig heildarkostnaðinn í allri keðju föngunar/förgunar.

GECO (Geothermal Emission Control) er rannsóknar- og nýsköpunarverkefni, fjármagnað af ESB, sem miðar að því að framleiðsla rafmagns í Evrópu, og heiminum öllum, verði hrein, örugg og hagkvæm með engum kolefnis- eða brennisteinsútblæstri. Tilraunaniðurdæling í ólíkum berglögum mun verða framkvæmd á Íslandi, í Þýskalandi og Tyrklandi.

S4CE (Science for Clean Energy) er þverfaglegt Evrópuverkefni fyrir grunnrannsóknir á m.a. skilvirkum flutningi, hvarfgetu (reactivity) og magngreiningu á útblæstri, jarðskjálftum (e. micro-seismic events), og prófunum á sementshlífum. Rannsóknirnar fara fram hjá Carbfix á Íslandi, í Cornwall á Bretlandi og St. Gallen í Sviss.