Hoppa yfir valmynd

Föngun beint úr andrúmslofti

Til að ná Parísarmarkmiðunum þarf ekki einungis að minnka losun. Við þurfum einnig að "spóla tilbaka" þ.e. sækja aftur koldíoxíð sem þegar hefur verið losað út í andrúmsloftið. Árið 2017 hóf Carbfix samstarf með Climeworks, svissnesku fyrirtæki sem sérhæfir sig í að fanga lofttegundir beint úr andrúmsloftinu. Climeworks rak litla tilraunastöð, Arctic Fox, samhliða lofthreinsistöð Carbfix við Hellisheiðarvirkjun. Virkjunin útvegar varmann sem þarf til að knýja föngunartæknina, en tæknin reiðir sig að mestu á orku í formi lághita (~100°C).

Mynd: Climeworks

Af vefsíðu Climeworks:

„CO2 síurnar okkar safna koldíoxíði með tveggja þrepa aðferð. Fyrst er loftið dregið inn í safnhólfið þar sem koldíoxíðið er fangað með sérhönnuðum síum. Þegar sían mettast er safnhólfinu lokað. Þá hækkum við hitann upp í 80-100°C  sem losar koldíoxíðið og hægt er að geyma hann í mjög hreinu formi og þéttu magni. Eftir situr hreint koldíoxíð í miklum styrkleika.“

Fyrsta starfsstöð í heiminum sem fangar og fargar

Tilraunaverksmiðjunni The Arctic Fox var ætlað að sýna fram á rekstrarhæfi nýrrar kynslóðar af DAC stöð. Næsta skrefið í ferlinu er Háhyrningurinn (e. Orca), ný föngunarstöð Climeworks sem verið er að byggja í jarðhitagarði ON við Hellisheiði. Orca verður fyrsta heildstæða stöðin í heiminum sem fangar koldíoxíð úr andrúmslofti á stórum skala og dælir niður til varanlegrar geymslu. Nýja stöðin mun hefja rekstur sumarið 2021 og geta fangað 4.000 tonn af CO2 á ári hverju, sem verður dælt niður í berglögin og fargað með Carbfix aðferðinni.

Mynd: Climeworks