Orca mun setja ný viðmið fyrir hinn nýja kolefnisförgunariðnað með því að veita aðgengilega, 100% mælanlega og varanlega förgun fyrir koldíoxíð (CO₂).  

Bygging lofthreinsistöðvarinnar Orca í Jarðhitagarðinum á Hellisheiði er vel á veg komin. Stöðin mun taka til starfa síðla vors, 2021.

Nýja stöðin sameinar beina CO₂ föngun Climeworks og Carbfix tæknina til að breyta CO₂ í stein neðanjarðar. Hún mun geta fangað 4.000 tonnum af CO₂ á ári hverju. Um er að ræða fyrstu heildstæðu föngunar- og förgunarstarfsemi í heiminum sem byggist á tæknilausn.

Orca mun sýna fram á að Climeworks getur 80-faldað föngunargetu sína á CO₂ á aðeins 3-4 árum. Climeworks mun halda áfram að auka hraðann við uppskölun og áætlað er að hægt verði að fjarlægja fleiri milljónir tonna af CO₂ með beinni loftföngun og förgun fyrir lok þessa áratugar.

Framkvæmdum við Orca má skipta í tvær lotur: Í fyrstu lotu var unnið að innviðum og grunninum fyrir hina nýju tækni, og er henni nú lokið. Í annarri lotu er verið byggja sjálfa stöðina og koma vélbúnaði og tækjum fyrir.

Hér er að finna myndir af framkvæmdasvæðinu, sem sýnir hönnun hins nýja lofthreinsibúnaðar.