Hagsmunaráð Coda Terminal
Carbfix hefur sett á stofn hagsmunaráð Coda Terminal en megintilangur þess er að skapa vettvang umræðna milli hagaðila í samfélaginu um uppbyggingu Coda Terminal og ræða hvernig best megi tryggja að framkvæmd og rekstur verkefnisins verði í sátt við samfélagið og til hagsbóta fyrir nærumhverfið.
Carbfix hefur umsjón með hagsmunaráðinu en sú ábyrgð felst m.a. í að kalla eftir tilnefningum í ráðið, undirbúa og boða fundi og sjá um samskipti við fulltrúa þess. Ef þú ert með uppástungu um hagsmunaaðila sem gætu átt erindi í hagsmunaráðið, þá er velkomið að senda tillögu á Carbfix@carbfix.com
Fundargögn frá samráðsfundi Hagsmunaráðs Coda Terminal:
- 31. ágúst 2022 1. fundur hagsmunaráðs Coda Terminal, fyrsti fundur.
- 31. maí 2023. 2. fundar hagsmunaráðs Coda Terminal, annar fundur
- 7. maí 2024 3. fundur hagsmunaráðs Coda Terminal þriðji fundur.
Kynningarfundir Coda Terminal
Kynningarfundur á Degi Jarðar 22. april 2021
Við kynntum til leiks Coda Terminal, eitt umfangsmesta loftslagsverkefni á Íslandi í streyminu frá Grósku á Degi Jarðar, 22. april 2021.
Edda Sif Pind Aradottir framkvæmdarstýra og aðrir vísindamenn Carbfix útskýrðu verkefnið frekar. Þá var Andri Snær Magnason rithöfundur meðal gesta sem fór yfir mikilvægi verkefnisins.
Pallborðsumræður:
Edda Sif Pind Aradóttir, framkvæmdastýra Carbfix
Bergur Sigfússon, kolefnisfargari
Andri Snær Magnason, rithöfundur.
Kynningarfundur Carbfix í streymi vegna Covid 14. febrúar 2022
Við buðum íbúum Hafnarfjarðar á kynningarfund um Carbfix og Coda Terminal verkefnið undir forystu Sævars Helga Bragasonar og Eddu Sifjar framkvæmdastýru Carbfix í beinu streymi sem má nálgast hér.
Pallborðsumræður:
Rósa Guðbjartsdóttir, bæjarstjóri í Hafnarfirði
Edda Sif Aradóttir, framkvæmdastýra Carbfix
Bjarni Már Gylfason, upplýsingafulltrúi álversins í Straumsvík
Vala Hjörleifsdóttir, forstöðumaður nýsköpunar og framtíðarsýnar OR
Kynningarfundur Carbfix 25. arpríl í Bæjarbíó, Hafnarfirði.
Yfir 150 gestir sóttu opinn kynningarfund Carbfix um loftslagsverkefnið Coda Terminal í Straumsvík, sem haldinn var þriðjudaginn 25. apríl í Bæjarbíói, Hafnarfirði. Fluttar voru upplýsandi kynningar um verkefnið og að þeim loknum svöruðu fulltrúar Carbfix, Rio Tinto (ISAL) og bæjarstjórnar Hafnarfjarðar spurningum fundargesta.
Allur fundurinn var tekinn upp og er hægt að nálgast upptöku af honum hér:
Kynningarfundur Carbfix í Hanfarfirði í Samkomusal Hauka að ásvöllum Hafnarfirði 30. maí 2024
Carbfix bauð íbúum og áhugasömum á opin fund um umhverfismat Coda Terminal í samkomusal Hauka að Ásvöllum Hafnarfirði, fimmtudaginn 30. maí kl 17:30. Fundinum var einnig streymt í gegnum Facebook viðburð.
Efni fundarins var:
Hvað er Coda Terminal og hvers vegna er verið að ráðast í þetta verkefni?
Niðurstöður umhverfismats kynntar ásamt hugmyndum að ásýnd og útliti Coda Terminal.
Umræður og spurningar frá gestum um verkefnið.
Gunnar Dofri Ólafsson sá um fundarstjórn. Hér má fylgjast með streymi fundarins hér: