Silfurbergs-verkefnið

Aukin umsvif CO₂ föngunar og förgunar.

Markmið Silfurbergs-verkefnisins er að byggja nýja lofthreinsistöð sem fangar nær allt koldíoxíð og brennisteinsvetni úr útblæstri Hellisheiðarvirkjunar sem síðan verður dælt niður í nálæg basaltberglög til varanlegrar steinrenningar með Carbfix tækninni, sem gerir starfsemi virkjunarinnar nær sporlausa. Núverandi hreinsistöð á Hellisheiði hefur verið starfrækt frá árinu 2014 þar sem yfir 70 þúsund tonnum af CO₂ hafa verið dælt niður. Árlega fangar stöðin um 12 þúsund tonn af CO₂ og dælir niður en það samsvarar um þriðjung af CO₂ losun Hellisheiðarvirkjunar.

Stærri og öflugri hreinsistöð verður byggð í gegnum Silfurbergs-verkefnið sem fangar 95% af CO₂ losun virkjunarinnar.

Carbfix og Orka náttúrunnar, dótturfélög Orkuveitu Reykjavíkur, hafa hlotið styrk úr Nýsköpunarsjóði Evrópusambandsins (Innovation Fund) í verkefnið. Styrkurinn verður notaður fyrir hönnun og byggingu nýrrar lofthreinistöðvar sem mun fanga 34 þúsund tonnum af CO₂ árlega sem annars væri losað út í andrúmsloftið. Stefnt er að gangsetja nýju stöðina árið 2025.

Öruggt og sannað ferli

Carbfix hefur þróað tækni fyrir varanlega bindingu CO₂ við Hellisheiðarvirkjun frá árinu 2007 í samstarfi við innlendar og erlendar rannsóknastofnanir. Tæknin felur í sér  að leysa CO₂ í vatni og dæla niður í basaltberggrunninn þar sem náttúruleg ferli steinrenna það til frambúðar.  Með þessu móti er koldíoxíðið varanlega bundið í steindum djúpt í berggrunninum og þannig komið í veg fyrir áhrif þess á loftslagið.

Öruggt og sannað ferli

Carbfix hefur þróað tækni fyrir varanlega bindingu CO₂ við Hellisheiðarvirkjun frá árinu 2007 í samstarfi við innlendar og erlendar rannsóknastofnanir. Tæknin felur í sér  að leysa CO₂ í vatni og dæla niður í basaltberggrunninn þar sem náttúruleg ferli steinrenna það til frambúðar.  Með þessu móti er koldíoxíðið varanlega bundið í steindum djúpt í berggrunninum og þannig komið í veg fyrir áhrif þess á loftslagið.

Samdráttur í losun

Niðurstöður verkefnisins munu gagnast til að minnka losun frá öðrum jarðhitavirkjunum, bæði hér á landi og erlendis. Verkefnið sjálft dregur úr losun sem nemur um 10% af 55% samdrætti í losun á CO₂ frá orkuframleiðslu og iðnaði sem gert er ráð fyrir í loftslagsáætlun Íslands fyrir árið 2030. Auk þess er mögulegt að beita tækninni til að minnka losun frá annarri iðnaðarstarfsemi á borð við stálver, sementsframleiðslu og brennslu og urðun sorps.

Umhverfismat Hellisheiði

Nánar má finna um umhverfismat Hellsheiðar, makmið og forsendur framkvæmdar ásamt algengum spruningum hér